Maxkamadda ciidamada qalabka sida ee Somaaliya ayaa maanta oo ay taariikhdu tahay 31/12/2019 waxa ay go’aan ka gaartay eedeym la xiriira Shabaabnimo iyo dilal ka dhacay Muqdisho iyada o ay ku eedeysnaayeen 8-ruux oo iskugu jirta ra iyo Dumar.
Maxamed Xaaji Axmed,Saalim Siciid Maxamed,Axmed Maxamed Haashim, oo goobjoog ka ahaa halka ay ka dhaceysay maxkamadeyntoodu ayaa maxkamaddu waxa ay sheegtay in ay ku xukuntay dil toogasho ah.
Dhinaca kalana Sharma’arke Cumar Axmed,Axmed Faarax Iidle,C/raxmaan Mustaf Shekh C/llaahi iyo Ramadaan C/raxiim Mursal oo maqanayaal ah ayay maxkamadda ciidamada qalabka sida waxa ay ku xukuntay dil Toogasho ah iyada oo ku eedeysay dilal kala duwan oo ka dhacay gobolka Banaadir.
Ugu dambeyntii maxakamadda ayaa ku dhawaaqday in C/naasir Axmed C/qaadir waxa ay maxkamaddu ku xukuntay xabsi daa’in halka Faaduma Xuseen Cali Cadaawe oo iyana ku eedeysan la shaqeynta Alshabaab ku xukuntay 15-sano oo xabsi ah.
