Madaxweynihii hore ee Soomaaliya Xasan Sheekh Maxamuud iyo wefdi iskugu jira Xildhibaano wasiiro iyo masuuliyiin horay xilal kala duwan uga soo qabtay dowladihii dalka soo maray ayaa gaaray magaalada Kismaayo haklkaas oo soo dhaweyn loogu sameeyay.
Wefdiga Maxadweynihii hore ee Soomaaliya waxaa garoonka diyaaradaha magaalada Kismaayo ku soo dhaweeyay Madaxweynaha maamulka Jubbaland Axmed Maxamed Islaam Axmed Madoobe madaxweyne ku-xigeenkiisa iyo wasiiro ka tirsan Jubbaland.
Xildhibaanada la socday Xasan Sheekh waxaa ka mid ahaa Axmed Macali Fiqi,Sanator Muuse Suudi,iyo ildhibaano kale oo dhamaantood ka qeybgelaya caleema saarka madaxweynaha Maamulka Jubbaland.
Dhinaca kalana madaxweynihii dowladdii KMG aheyd Sheikh Shariif Sheekh Axmed ayaa gaaray magaalada Kismaayo waxaana uu hogaaminayay wefdi balaaran oo ka ambabaxay magaalada Muqdisho,waxaana ka mid ah xildhibaano wasiiro hore siyaasiyiin uu ku jiro C/raxmaan C/shakuur Warsame oo ah hogaamiyaha xisbiga wadajir.
