Shil sababay Khasaaro nafeed ayaa waxa uu ka dhacay Isgoyska Howlwadaag ee Gobolka Banaadir,sida dad Goobjoogayaal ah Radio Dalsan ay u sheegeen.
Shilkan ayaa waxaa uu yimid kadib markii isku dhaceen Gaari Hoomey iyo Mooto Bajaaj,waxaana xiliga falka uu dhacayay wadada ay aheyd mid aad u Mashquul badan.
Shilkaas ayaa waxaa ku dhintay Darawalkii waday Mooto Bajaajta,waxaana Meydka Marxuumka goobta ka qaaday dad shacab ah oo xiligaas goobta Agdhawaa,waxaana loo qaaday dhanka Xarunta CID-da.
Sidoo kale wararka ayaa tilmaamaya in Darawalkii gaariga ee Mootada ku dhacay uu goobta ka baxsaday,waxaana durbo halkaas soo gaaray Ciidamo Boolis ah oo xiligaas ku sugnaa meel ku dhow halka uu Shilka ka dhacay.
Wadooyinka Magaalada Muqdisho ayaa waxaa mararka qaar ka dhaca shilal kala duwan oo geysta Khasaarooyin kala duwan.
