Shirkadda Diyaaradaha ee Ethiopian Airlines ayaa shaacisay inay bilaabi doonta Duullimaad Toos ah oo ay ku tegayso Garowe ee Maamulka Puntland ee W/bari ee Somalia..
Agaasimaha Fulinta ee Shirkadda Ethiopian Airlines, Tewolde GebereMariam ayaa sheegay inay Duullimaadkaasi bilaabi doonaan bisha soo socota ee July 15-da, iyadoo Diyaaradda maalmaha Sabtida, Isniinta iyo Arbacadda tegi doonto Garowe.
Waxa kale oo uu tilmaamay inay Farxad weyn u tahay inay bilaabaan Duullimaadyo ay ku tegi doonaan Garowe.
Diyaaradaha Ethiopian Airlines waxay kaloo Duullimaadyo Joogto ah isaga kala gooshtaa Muqdisho iyo Addis Abeba, iyadoo Dhoofayaasha Qurbo-joogta u fududeysa Isku-xirka Duullimaadyadda Caalamiga ee Europe, Maraykanka, Asia, Bariga Dhexe iyo Afrika.
Si kastaba ha ahaatee, Shirkadda Ethiopian Airlines, waxay dib u bilowday duullimaadyadda ay ku imaanayso magaallooyin ku yaalla Somalia, iyadoo aan horey uga shaqeyn jireen muddo haatan laga joogo 40-sanno.
