Madaxweynihii hore ee dowlad Goboleedka Galmudug Cabdikariin Xuseen Guuleed ayaa ka tacsiyeeyay geeridii ku timid Marxuum Maxamed Qanyare Afrax oo ku geeriyooday Magaalada Muqdisho.
Cabdikariin Xuseen Guuleed ayaa waxaa uu sheegay in Maxamed Qanyare uu ahaa oday iyo ruug-cadaa siyaasadeed soona qabtay xilal kala duwan.
Sidoo kale Madaxweynihii hore ee Galmudug ayaa tacsi u diray eheladii, qaraadadii iyo dhamaan shacabka Soomaaliyeed ee uu ka baxay Marxuum Maxamed Qanyare Afrax oo Isbitaalka Ex Digfeer ugu geeriyooday Xanuun mudooyinkii dambe haayay.
Allaha u naxariisto marxuum Maxamed Qanyare Afrax oo maanta ku geeriyooday magaalada Muqdisho, marxuumka oo ahaa oday iyo ruug-cadaa siyaasadeed soona qabtay mas,uuliyado dhowr ah, waxaa tacsi u dirayaa eheladii, qaraadadii iyo dhamaan shacabka Soomaaliyeedâ€ayuu yiri Cabdikariin Guuleed
Maxamed Qanyare ayaa horey u soo noqday Xildhibaan ka tirsan Golaha Shacabka Baarlamaanka Soomaaliya iyo Wasiir,waxaana uu kamid ahaa siyaasiyiinta Soomaaliyeed ee Caanka ah.
