Ilaa Shan Degmo oo ka mid ah Degmooyinka Gobolka Banaadir ayaa Maanta laga bilaabay Deeq Gargaar ah oo loogu talo galay in lagu Caawiyo Dadka danta yar inta lagu guda jiro Bisha Barakeysan ee Ramadaan,waxaana Deeqdaan Bixineysa Dowladda Cumaan oo ka mid ah wadamada Khajiijka.
270 Qoys oo ku nool Degmada Xamar weyne ayaa ka Faa’ideysatay Gargaarka ay bixineyso Dowladda Cuman sida uu sheegay Guddoomiyaha Degmada Xamarweyne C.qaadir Maxamed C.qadir.
Xoghayaha Joogtada ah ee Wasaaradda Arrimaha Gudaha Soomaaliya C.llaahi Maxamuud xasan Azhari ayaa sheegay in Degmooyinka Gobolka Banaadir dhamaantood la gaarsiin doono Gargaarka,balse Maanta lagu Bilaabi doono Degmooyinka kala ah Xamar weyne, Xamar jajab, Wadajir, waabari iyo Cabdicasiis.
Guddoomiye Kuxigeenka Maamulka Gobolka Banaadir dhanka Arrimaha Bulshada iyo wacyi Marwo Basmo Caamir Axmed(jaktti) oo ka hadashay Munaasabadda Cunto qeybinta ah ayaa U Mahad celisay Dowladda Cumaan Gargaarka ay u fidinayaan Bulshada Soomaaliyeed Maadaama hadda lagu jiro Bisha Ramadaan
Maamulka Gobolka Banaadir oo garab ka helaya Dowladaha Saaxiibada Soomaaliya ayaa waxaa ka go’an in ay Caawiyaan Dadka danta yare ee kunool 17-ka Degmo ee Gobolka Banaadir.
