Hadal-qoraal oo ay Taliska AMISOM soo saareen ayey ku sheegeen inaysan jirin ciiddamo laga soo daad-gureynayo Farriisimadda ay joogaan, balse ay Ciiddankaasi taageerayaan sidii loo badbadaain lahaa dadka Soomaalida.
AMISOM waxay kaloo sheegeen in Istaraatijiyadda dhaqdhaqaaqa Ciiddankooda ee hal meel la isugu keenayo looga dan leeyahay sidii ay Alshabaab looga saari lahaa Deegaanadda ay joogaan iyo sidii loogu diidi lahaa inay si xor ah u dhaqdhaaqaan, waa sida ay hadalka u dhigeen.
Qoraalka ka soo baxay AMISOM ayaa yimid, kadib, markii ay Ciiddanka Kenya ee qeybta ka ah Hawlgalka AMISOM dib uga baxeen farriisimo ay ku lahaayeen Gobalka Gedo, sababo la xiriira cabsi ay ka qabaan weeraro kaga yimaada Alshabaab.
Bishii janaayo 15-dii ee sannadkii 2016-dii, weerar ay Alshabaab ku qaadeen Saldhigii Ciiddanka Kenya ee Deegaanka Ceel-cadde ee Gobalka Gedo waxaa lagu dilay in ka badan 170 Askar Kenyan ah.
