Wasiirka Arrimaha Dibedda ee dalka Masar, Samiixi Shukri ayaa hadalkaasi ka sheegay Kulan uu la yeeshay dhigiisa dalka Somalia, Axmed Ciise Cawad oo maalmahan booqasho hawleed ku joogay magaalladda Qaahira.
Wasiir Samiixi Shukri waxa uu dhigiisa Somalia ugu hambalyeeyey Somalia oo la wareegtay Shir-Guddoonka Shirarka Carbeed, waxaana la filayaa in Wasiirka Arrimaha Dibedda ee Somalia, Axmed Ciise Cawad shir guddoomiyey Shirka 101-aad ee Wasiiradda Arrimaha Dibedda ee dowladaha xubnaha ka ah Ururka Jamaacadda oo maanta ka furmi doona magaalladda Qaahira.
Wasiirka waxa kale oo uu sheegay in Shirweynaha 2-aad ee Ganacsatadda Somalia iyo Masar uu dhawaan ka furmi doono magaalladda Qaahira, si loo xoojiyo Iskaashiga dhinacyadda Ganacsiga, Is-dhaafsiga Dhaqaalaha iyo Horumarinta Adeegyadda Guud ee labada Waddan.
Dhinaca kale, Afhayeenka Wasaaradda Arrimaha Dibedda ee Masar, Axmed Xanaf oo Kulankaasi kadib Saxaafadda la hadlay wxaa uu tilmaamay inay Labada Wasiir Kulankodoa kaga wada hadleen xoojinta Iskaashiga labada Waddan, Taageeradda Masar ee Somalia, Dib-u-dhiska Hay’addaha Amniga ee Somalia, Xaqiijinta Amniga iyo Deganaanshaha Somalia iyo Xaalladihii ugu dambeeyey ee Somalia iyo guud ahaan Mandiqadda Geeska Afrika.
