Sarkaalkaasi oo lagu magacaabo Jeneral Jeemis Nakibus Lakaara ayaa waxa uu si rasmi ahaan ula wareegay Xilka Cusub ee Ku-xigeenka Taliyaha Ciiddanka AMISOM ugu qaabilsan Hawlgalladda iyo Qorshooyinka.
Waxa uu Xilkaasi kala wareegay Jeneral Jaarles Tay Gituay oo isagu dhamaystay Xilli-hawleedkiisa halka sanno ahaa.
Waa markii 2-aad ee uu Jeneral Jeemis Nakibus Lakaara xil sare ka qabto Hawlgalka AMISOM, wuxuuna horey u soo noqday Taliye-xigeenka Ciiddanka AMISOM ee Loojistikada iyo Taageeradda muddadii u dhexeysay bishii Julaay ee sannadkii 2015-kii ilaa bishii October ee sannadkii 2016-kii.
Dhinaca kale, ka hor inta aan Jeneral Jeemis Nakibus Lakaara haatan loo magacaabin Xilka Cusub waxaa uu ahaa Taliyaha Xarunta awood-siinta Daad-gureynta Ciiddanka Uganda ee degdegga u hawl-gala (URDCC) ee magaalladda Jinja ee dalka Uganda.
