Talis Gobaleedyada Milliteriga Maraykanka ee AFRICOM iyo CENTCOMÂ waxay qireen wararka sheegaya inay jiraan waxyeello soo gaartay dad rayid ah oo ku sugan Somalia iyo Yemen.
Taliska Ciiddanka Mraaykanka ka jooga Qaaradda Afrika ee AFRICOM ayaa sheegay inay dib-u-eegis ku hayaan Hawlgal ka dhan ahaa Alshabaab oo la sheegay inay dad rayid ah wax ku noqdeen.
Wargeyska Long War Journal ee ka spp baxa Maraykanka ayaa qoray in War-saxaafadeed bilowgii bishan ay AFRICOM soo saareen lagu sheegay inay Milliteriga Maraykanka qeyb ka ahaayeen Hawlgal ay Milliteriga DFS hoggaaminayeen oo bishan May 9-dii ka dhacay Deegaanka Bulcida oo lagu soo qabtay 3 Sarkaal oo ka tirsan Alshabaab, sida laga soo xigtay Sarkaal ka tirsan Hay’adda NISA oo la hadlay Wakaalladda wararka ee AP.
Warbixin kale ayaa sheegtay in Hawlgalkaasi lagu dilay 5 qof oo Rayid ah, kuwaasi o ola rumeysan yahay Beeraleyda Muuska.
War saxaafadeed ka soo baxay AFRICOM ayaa lagu sheegay inay garwaaqsadeen wararka sheegayo Khasaaraha dadka rayidka soo gaaray.
Hadal-qoraalka ee Taliska AFRICOM waxaa lagu sheegay inay wararkaasi u qaateen si xasaasi ah khasaaraha dadka rayidka ka soo gaaray Hawlgalkaasi.
Sarkaallada Taliska AFRICOM ugu qaabilsan dhinaca Saxaafadda oo lagu magacaabo SAMANTHA REHO waxay u sheegtay Wargeysla Long War Journal inaysan wax duqeyn ah ka qeyb gelin Hawlgalkaasi.
Dhinaca kale, waxay sheegtay inay Maraykanka 13 duqeyn ka geysteen Somalia sannadkan 2018-ka, kuwaasi o odhamaantooda lala beegsaday Alshabaab, waa sida ay hadalka u dhigtay.
Hoos Ka Dhageyso Warbixin iyo Wariye Cabduqaadir Jakaarta.
