Maalik Jones oo 32-jir ah ayaa shalay la soo taagay Maxkamadda Federalka ee magaalladda New York, wuxuuna qirtay inuu u socdaalay Somalia, kana mid noqday Dagaalamayaasha Alshabaab.
Dacwad-oogayaasha ayaa sheegay inuu Eedeysanaha tababar iyo taageero siiyey Xarakadda Alshabaab, isla markaana uu Alshabaab ka tirsanaa muddaii u dhexeysay bishuu August ee sannadkii 2011-kii ilaa bishii December ee sannadkii 2015-kii.
Dowladda Federalka ayaa ku wareejisay Dowladda Maraykanka ninkaasi bishii December ee sannadkii 2015-kii, kadib, markii laga soo qabtay duleedka magaalladda Baraawe, xilli uu doonayey inuu u safro dalka Yemen.
Dukumentiyadda loo gudbiyey Maxkamadda Federalka ayaa lagu sheegay inay Saraakiisha FBI-da ogaadeen in Maalik Jones lagu dhaawacay dagaal ay Alshabaab la galeen Ciiddanka Kenya ee ku sugan gudaha Somalia.
Maalik Jones waxaa lagu eedeeyey inuu ku-dhawaad 4 sanno qeyb ka ahaa Kooxda COMMANDO ee Dagaalamayaasha Alshabaab, wuxuuna ka qeyb galay dagaal lagu dilay 2 Askar Kenyan ah sannadkii 2015-kii, waa sida ay FBI-da sheegeen
