Maamulka Magaalada Gardafuu ee gobolka Bari puntland ayaa cabasho ka keenay Maraakiib kuwa dagaalka ah oo ku sugan Xeebaha Magaalada Caluula,kuwaas oo dhowr mar horay looga cawday.
Gudoomiyaha Magaalada Gardafuu Maxamuud Axmed Ceynab oo Warbaahinta la hadlay ayaa sheegay in Maraakiibtaas oo sisharcidaro ah uga kaluumeuysata Xeebaha Magaaladaas ay mararka qaar duqeyn u geesta hareeraha Xeebaha taasina ay dhibaato keeni karto.
Waxa uu sheegay in Wasaarada Arrimaha gudaha iyo dowladdaha Hoose ee Mamulka Puntland iyo Maamulkooda oo iskaashanaya ay Sharci cad ka soo sari doonaan Maraakibtaas.
Hadalka Gudoomiyaha Magaalada Gardafuu ayaa ku soo aadaya xili Warar soo baxayay ay sheegayeen in Diyaarado dagaal ay duqeyn ka geesteen farsiimo Kooxda Daacish ku leeyihiin halkaas.
Hoos Ka Dhageyso Codka Gudoomiya Magaalada Gardafuu
