Hay’adda QM ugu qaabilsan Arrimaha Qaxootiga (UNHCR) ayaa ka codsatay Deeq Bixiyayaasha lacag dheeri ah oo dhan 11.3 million oo Dollar si loogu kharaj gareeyo Qaxootiga Soomaalida ee iskooda uga soo laabanayo Xeradda Qaxootiga Dhadhaab ee dalka Kenya.
War Saxaafadeed ka soo baxay UNHCR ayaa waxaa lagu xusay in Kharajkaasi qeyb ka mid aj loo adeegsadan doono Dib-u-meelaynta Qaxootiga Dhadhaab ee loo gudbinayo Xeradda Kakuma iyo weliba Mashaariicda lag hirgelinayo Kenya iyo Somalia.
Agaasimaha Hay’adda UNHCR ugu qaabilsan Qaaraadda Afrilka. Valentin Tapsoba ayaa sheegay inay UNHCR hubaal ka dhigayso inay Qaxootiga ku laabanayo Somalia yihiin kuwo iskooda u go’aansaday inay dib u laabtaan.
Waxa uu ka codsaday Beesha Caalamka inay taageeraan Codsiga ay Hay’addu ku dalbanayso Lacagta dheeriga si ay Qaxootiga Soomaalida sida ugu wanaagsan dib ugu laabtaan dalkooda hooyo iyo inay iyaga iyo familkooda ku noolaadaan Nabad iyo Deganaansho.
©Radio Dalsan
