Dowladda Federaalka Soomaaliya ayaa faah-faahin ka bixiysay duqeyn diyaaradeed oo saacadihii lasoo dhaafay Ciidanka dowladda iyo AFRICOM ay ka fuliyeen Gobolka Jubbda Dhexe.
War-saxaafadeed kasoo baxay dowladda Soomaaliya ayaa waxaa lagu sheegay in duqeynta oo ka dhacday meel u dhaw deegaanka Dujuuma lagu dhaawacay xubno ka tirsan Al-shabaab, isla markaana lagu burburyay xarun halkaas ay ku lahaayeen.
Shalay ayay aheyd markii dowladda sheegtay in duqeyn laga fuliyay Gobolka Jubbada Dhexe lagu dilay xubno ka tirsan dagaalamayaasha Al-shabaab.
Hoos ka Akhriso qoraalka kasoo baxay dowladda Federaalka.
Xukuumadda Federaalka Soomaaliya oo kaashanaysa Ciidanka Mareykan ee taliska fadhigiisa Afrika (AFRICOM) ayaa duqeyn ka fuliyay meel u dhaw magaalada Dujuuma ee Soomaaliya.
Duqeyntan oo ahayd mid qorsheysan ayaa lagu dhaawacay saddex xubin oo ka tirsan Al-shabaab, islamarkaa lagu burburiyey xarun Al-shabaab oo halkaa lagu ogaa waa sida hadalka loo dhigay.
DFS iyo Ciidanka AFRICOM ee Mareykan ayaa qaadaya tallaabooyin dheeri oo laga taxadarayo waxyeellada shacabka inta lagu gudajiro ladagaalanka Al-shabaab iyada oo si buuxda loo baarayo eedo walba oo soobaxa Imankadan la joogo ma jirto cid rayid ah oo wax ku noqotay hubintii la sameeyey weerarkan isaga ah.
