Ra’iisul Wasaaraha xukuumada fedraalka Soomaaliya Xasan Cali kheyre ayaa haatan xarunta Madaxtooyada Galmudug ee Magaalada Dhuusamareeb kulan kula leh Maaxa xukuumadda Galmudug Sheekh Maxamed Shaarir Cali Xasan Sh Shaakir iyaga oo ka wada hadlaya xaaladdii ugu dambeysay ee Dhuusa Mareen iyo Shaqaaqadii xalay.
Kulanka oo albaabadu ay u xiranyihiin ayaa waxaa looga hadlayaa sida ilo ku dhow labada dhinac ay xaqiijinayaan Israsaseyntii xalay dhacday magaalada Dhuusa-mareeb iyo sida laga yeelayo arrimahaan iyo ciddii ka dambeysay.
Ra’iisul Wasaaraha xukuumadda fedraalka oomaaliya Xasan Cali Kheyre iyo madaxa xukuumadda Galmudug ayaa la filayaa dhinaca kalana in ay ka wadahadlaan xaaladda guud ee dhismaha maamulka Galmudug iyi sida loo dar-dargelin karo howsha socota ee maamul u samaynta.
Magaalada Dhuusa Mareeb ayaa xalay waxaa ka dhacay Israsaaseyn taas oo ku soo beegantay safarkii ra’iisul Wasaaraha ee magaalada Dhuusa Mareeb,dhinaca kalana warar aan la xaqiijin ayaa sheegaya in hogaamiyaha golaha Ahlu-sunna Wajamaaca Macalin Maxamuud uu iska diiday in uu la kulmo Ra’iisul-Wasaaraha tan iyo inta jawaab ay dowladdu ka bixinayso shaqaaqadii xalay dhacday magaalada Dhuusa-Mareeb.
