Ra’iisul Wasaaraha Xukuumadda Federaalka Soomaaliya Xasan Cali Kheyre oo ku sugan Magaalada Baydhabo ayaa Maanta waxaaa lagu wadaa inuu gaaro Degmada Xudur ee Gobolka Bakool.
Socdaalka uu Ra’iisul Wasaare Kheyre ku tegayo Degmada Xudur ayaa waxaa ku wehlinaya Madaxweynaha dowlad Goboleedka Koonfur Galbeed Cabdicasiis Xasan Maxamed Lafta-gareen iyo xubno ka tirsan Golaha Wasiirada Xukuumadda Federaalka iyo Mas’uuliyiin kale.
Wararka naga soo gaaraya Degmada Xudur ayaa waxaa ay sheegayaan in saakay halkaas ay socoto qabanqaabo lagu soo dhaweynayo Ra’iisul Wasaaraha iyo wafdiga la socda oo saacadaha soo socoda halkaas tegi doono.
Markii uu gaaro halkaas Xasan Cali Kheyre ayaa waxaa goob fargaaro ah uu kala hadli doonaa Shacabka kunool Xudur,isla markaana waxaa uu kala hadli doona arrimo kala duwan.
Ammaanka guud ee Degmada Xudur ee Gobolka Bakool ayaa Maanta siweyn loo adkeeyay,waxaana Wadooyinka ku yaalla halkaas lagu arkayaa Ciidamo ka tirsan dowladda iyo kuwa Koonfur Galbeed oo howlgal baaritaano ah ka wada,isla markaana xiray qaar kamid ah Wadooyinka muhiim ah.
