Sii-hayaha Guddoomiyaha Gobolka Banaadir ahna Guddoomiye ku-xigeenka Maamulka iyo Maaliyadda Gobolka Banaadir mudane Ibraahim Cumar Mahadale (Ibraahim Dheere) ayaa Maanta Xarunta dowladda Hoose kusoo dhaweeyay Qoyska Guddoomiyihii Gobolka Banaadir Allaha u naxariistee Cabdiraxmaan Cumar Cismaan Eng.Yariisow.
Guddoomiye Ibraahim Dheere ayaa sheegay in Qoyska Marxuum Eng.Yariisow uu soo kala tusay qaybaha kala duwan ee xafiisyada Aqalka Dowladda Hoose ee Xamar iyo howlaha socda oo maamulku dar-darta ku wado.
Γ’β¬ΕWaxaan maanta xarunta Dowladda Hoose kusoo dhaweeyey qoyska Allaha u naxariistee Duqii hore ee Muqdisho ahaana Guddoomiyaha gobolka Banaadir Shahiid Cabdiraxmaan Cumar Cusmaan (Eng. Yariisow). Waxaan soo kala tusay qaybaha kala duwan ee xafiisyada Aqalka Dowladda Hoose ee Xamar iyo howlaha socda oo maamulku dar-dar ku wadoΓ’β¬Βayuu yiri Guddoomiye Mahad Alle.
Sii-hayaha Guddoomiyaha Gobolka Banaadir ahna Guddoomiye ku-xigeenka Maamulka iyo Maaliyadda Gobolka Banaadir ayaa ballan qaaday inuu sii wadi doono dedaalkii, dhabar adaygii, shaqadii geesinimada lahayd iyo wadaninimadii uu ku sifoobey Eng.Yariisow, ayana noqon doonto mid mar waliba xusuus ku sii ahaan doonta qalbiyadeena.
