Ciidamada amniga dowlad Goboleedka Jubbaland ee ka howlgala Degmada  Afmadow ee Gobolka Jubada Hoose ayaa howlgal amniga lagu xaqiijinayo waxaa ay ka sameeyay gudaha degmada iyo duleedkeeda.
Howlgalka ayaa intii uu socday waxaa ay Ciidamada kusoo qabteen dad badan oo looga shakiyay inay xiriir la leeyihiin dagaalamayaasha Al-shabaab sida uu sheegay Taliska Ciidanka Afmadow.
Taliyaha Ciidanka Daraawiishta Degmada Afmadow ee Gobolka Jubada Hoose Mahad Maxamed Islaam oo la hadlay warbaahinta ayaa waxaa uu sheegay in howlgalka Ciidamada ay ka sameeyeen gudaha degmadaas uu ahaa mid lagu xaqiijinayay amniga.
Sidoo kale Taliyaha Mahad ayaa waxaa uu sheegay in howlgalka lagu soo qab qabtay dad looga shakisan yahay inay xiriir la leeyihiin Al-shabaab,isla markaana laamaha amniga ay ku wadaan baaritaano kala duwan dadkaas.
Ugu dambeyntii Taliyaha Ciidanka Darawaashiinta Degmada Afmadow ee Gobolka Jubada Hoose ayaa Bulshada kunool degmdaas ugu baaqay inay la shaqeyaan laamaha amniga ayna soo gudbiya dadka ay ka shakiyaan iyo waxkasto oo amniga lid ku ah.
Hoos ka Dhageyso Codka Taliyaha Ciidanka Daraawiishta Degmada Afmadow.
