Xildhibaanada Golaha Shacabka ee Baarlamaanka Federaalka Soomaaliya ayaa maalinta oo Arbaco ah taariikhduna ku beegan tahay 26-ka bisha September 2018, kulan ku yeelanaya xarunta Golaha Shacabka ee Magaalada Muqdisho.
Ajendaha kulanka Maanta ayaa ah sii wadista dooda ku saabsan dib u eegista xeer hoosaadka Golaha Shacabka kaas oo Maalintii Isniinta aheyd ee la soo dhaafay dib loo dhigay.
Xildhibaanada Golaha Shacabka ayaa loo diray fariimo lagu ogeeysiinayo in Maanta oo Arbaco ah uu kulanka Baarlamaanka jiro,isla markaana ay ka soo qeyb galaan.
Kulankii Isniintii Xildhibaanadu ku yeesheen Xarunta Golaha Shacabka ayaa waxa ay uga hadleen dhacdadii lagu dilay laguna gubay Axmed Dowlo,iyaga oo guddi u saaray.
Ajandaha Maanta ee ku saabsan dib u eegista xeer hoosaadka Golaha Shacabka ayaa doodiisu waxa ay bilaabatay Maalintii Sabtida aheyd ee todobaadkaan,iyada oo Guddoomiyaha Baarlamaanka uu xildhibaanada ku booriyey inay soo akhristaan.
