Siyaasiga Cabdraxmaan C/Shakuur Warsame ayaa war kasoo saaray kulan saacado qaatay oo uu la yeeshay Ra’iisul Wasaare maxamed Xuseen Rooble, kaasi oo looga hadlay arrimo kala duwan.
Hoggaamiyaha Xisbiga Wadajir Cabdiraxmaan Cabdishakkur Warsame ayaa sheegay in kulanku uu ahaa mid iswaraysi iyo talo soo jeedin ah, waxaana intaas uu ku daray in ay si gooni ah diiradda u wada saareen  arrimaha mudnaanta leh oo ay ugu horayso doorashada oo xiligeeda ku dhacda, si cadaalad iyo sinaan lehna u dhacda.
Qoraal uu soosaaray CC Shakuur ayaa u qorna sida tan:
Kulan saacado qaatay ayaan maanta wada yeelanay Raysalwasaare Maxamad Xuseen Rooble. Kulanka oo uu Raysalwasaare Rooble igu martiqaaday ayaa iswaraysi iyo talo jeedin ahaa. Waxaan si gooni ah diirada u wada saarnay arrimaha mudnaanta leh oo ay ugu horayso doorashada oo xiligeeda ku dhacda si cadaalad iyo sinaan lehna u dhacda. Waxaan uga mahadcelinaya Raysalwasaaraha kalsooni gelinta ku aaddan in uusan doonaynin wax muddo kordhin ah, daddaal walbana uu isugu gaynayo sidii doorshada xilligeeda ugu qabsoomi lahayd, iskuna deyi doono in uu dadka u sinaado. Waxaan kaloo u mahadcelinaya Xildhibaan Abtidoon yare oo fududeeyay qabsoomida kulanka.
