Magaalada Dhuusamareeb ee Caasimadda dowlad Goboleedka Galmudug ayaa waxaa gaaray wafdi uu hogaaminayay Safiirkii hore ee Soomaaliya Ambassador Axmed Cabdisalaan Xaaji Aadan.
Wafdiga ayaa waxaa qeyb ka ahaa Siyaasiga Kamaal Guutaale oo kamid ahaa Musharixiintii u tartamay xilka Madaxweynaha Galmudug, balse markii dambe ka tanaasulay iyo xubno kale, waxaana Garoonka diyaaradaha kusoo dhaweeyay Guddoomiyaha Dhuusamareeb iyo xubno kale.
Mas’uuliyiintaan ayaa inta uu ku sugan yihiin halkaas ayaa waxaa ay kulan la qaadan doonaan Madaxweynaha Galmudug Axmed Ducaale Geelle Xaaf, iyagoona ka wada hadli doono Arrimo kala duwan oo ku aadan Galmudug.
Madaxweyne Qoorqoor ayaa saacad kahor kulan la qaatay Wasiirkii hore ee Arimaha Guddaha Soomaaliya C/Samad Macalin Maxamuud oo ah xubin siyaasad ahaan aad ugu dhow Ahlusunna Waljamaaca ee uu Hogaamiyo Macalin Maxamuud Sh Xassan.
Labada dhinaca ayaa ka wada hadlay sidii hogaankii Ahlusunna looga soo qayb galin lahaa Munaasabada Caleema-saarkiisa, kadibna looga tashan lahaa sidii loo dhameyn lahaa tabashooyinka iska jiray.
Qoorqoor ayaa sheegay inuu dadaal badan uu ku bixi doono sidii loo xalin lahaa cabashooyinkii ka dhashay Doorashadii Galmudg eek a dhacday Magaalada Dhuusamareeb, isagoona horey ula kulmay Xildhibaano Mucaarad ku ahaa.