In ka badan 40 Muhaajiriin ayaa geeriyootay, 80 kalena wey ku dhawaacmeen, kadib, markii ay Diyaaradaha Dagaalka ee Ciiddanka Khaliifa Xaftar xilli dambe oo xalay ahayd duqeeyeen Xarunta lagu hayo Muhaajiriinta ee Tajuura oo ku taalla Bartamaha caasimadda dalkaasi ee Tripoli.
Afhayeenka Adeegga Gurmadka ee Dowladda Liibiya ee ay QM taageersan tahay, maalik Mersek waxa uu sheegay in Xarunta Muhaajiriinta ee la duqeeyey ay ku taallo meel ku dhow Xero Milliteri.
Sawiro lagu soo daabacay Warbaahinta dalkaasi iyo Baraha Bulshadda waxay muujinayaan Muhaajiriin Afrikaan ah oo qaliin lagu samaynayo, kadib, duqeyntaasi iyo Muhaajiriin kale oo dul saaaran Sariiraha, halka kuwo kale uu boor miiran ahaa jirkooda iyo kuwo kale oo Faashado looga xiray Gacmaha.
Weli lama xaqiijinin dalalka ay u dhasheen Dhibanayaasha ay waxyeelladu ka soo gaartay Duqeymahaasi, waana khasaarihii ugu badnaa ee hal mar soo gaara Muhaajiriinta oo iyagu horey ugu le’an jirey Badda.
LA SOCO FAAHFAAHIN KALE
