Warar dheeraad ah ayaa ka soo baxaya Qarax Khasaaro geystay oo Maanta ka dhacay gudaha Suuqa Bakaaraha ee Magaalada Muqdisho.
Qaraxaasi ayaa waxaa la sheegay in uu ahaa mid lagu soo xiray gaari nooca Soomaalida u taqaano Qooqan oo lahaayeen Ilaalada Shirkadda Dahabshiiil ,isla markaana waxaa la dhigay kasoo horjeedka Shirkadda Dahabshiiil ee Xarunta Suuqa Bakaaraha ee Magaalada Muqdisho.
Ugu yaraan Saddex ruux oo mid kamid ah ay tahay Haweeney ayaa ku dhaawacmay qaraxaas,waxaana loo qaaday mid kamid ah goobaha Caafimaad Magaalada si xaaladooda Caafimaad loogu dabiibo.
Ciidamo ka tirsan kuwa Booliska Soomaaliya ayaa tegay goobta uu qaraxa dhacay,iyagoo halkaasi ka sameeyay baaritaano kala duwan oo la xiriira sida uu falka u dhacay,isla markaana waxa intaas ka hakad ku jiray ganacsigii ka jiray Aaga uu qaraxa ka dhacay.
Magaalada Muqdisho ayaa waxaa mararka qaar ka dhaca Qaraxyo lagu soo xiro gaadiida noocyadiisa kala duwan,waxaana Mas’uuliyadooda inta badan sheegta Al-shabaab.
Saw
