Kooxo ku hubeysnaa Bastoolado ayaa gudaha Degmada Yaaqshiid ee Gobolka Banaadir gaar ahaan agagaarka Suuqa Bacaad waxa ay ku dileen Nin Ganacsade ahaa.
Dad goobjoogayaal ah oo la hadlay Dalsan ayaa waxa ay u sheegeen in Dilkan ay ka dambeeyeen rag hubeysan oo toogtay Ganacsadaha xili uu ku sugnaa agagaarka Suuq Bacaad.
Ragii dilkaas fuliyay ayaa goobta si deg deg ah uga baxsaday gaari nooca raaxadaha oo ay wateen,sida la sheegay.
Warar qaar aan helnay ayaa sheegaya in Marxuumka la dilay uu kamid ahaa Ganacsatada iibiya qalabka Dhismaha,inkastoo aan si dhab ah loo xaqiijin karin.
Ciidamo ka tirsan kuwa Booliska Soomaaliya oo xiligaas ku sugnaa meel aan sidaa u fogey ayaa tegyay goobta uu dilka ka dhacay,iyagoona sida caadada u aheyd ka sameeyay baaritaano kala duwan..
Meydka Ninkii la dilay ayaa waxaa goobta ka qaaday dad kale oo kamid ahaa Ganacsatada Suuq Bacaad ee Degmada Yaaqshiid ee Gobolka Banaadir.
Magaalada Mqudisho ayaa waxaa mararka qaar ka dhaca dilal qorsheysan,kuwaasi oo ay Mas’uuliyiinta sheegta Al-shabaab.
