Wararka ka imaanaya Magaalada Boosaaso ee gobalka Barri ayaa sheegaya in goordhow halkaas uu ka dhacay weerar lagu dhaawac mid ka mid ah Nabadoonada caanka ka ah magaalada oo la sheegay in xiligaa uu ku sugnaa masaajid ku yaal mid ka mid ah xaafadaha Boosaaso.
Nin hubaysanaa ayaa ayaa Masaajidka Mubaarak oo ku yaalla xaafada Laanta Hawada ee magaalada Bosaso ku dhex dhaawacay, Suldaan Bashiir Muuse Koonte waxaana la sheegay in uu baxsaday qofkii weerarkaas geystay,Suldaan Bashiir Muuse Koonte ayaa ka mid ah Isimada Puntland, waxaana dhaawaciisa la geeyay Isbitaalka National, magaalada Bosaso ee gobalka Bari.
Ciidamada amaanka magaalada Boosaaso oo goobta weerarku uu ka dhacay Gaaray ayaa lagu soo waramayaa in ay wadaan howlgalo lagu baadi goobayo kooxihii dhaaca u geystay nabadoonka,dhinaca kalana ma jirto cid sheegatay masuuliyadda weerarkaan lagu dhaawacay Suldaan  Bashiir Muuse Koonte.
