Warar dheeraad ah ayaa kasoo baxaya rasaas lagu furay Gaari ay la socdeen dad soo duugay Meydadka qaar kamid ah dadkii ku geeriyooday Qaraxyadi lagu weeraray Hotelka Saxafi ee Magaalada Muqdisho.
Dad Goobjoogayaal ah Dalsan u sheegay in Wadada loo galay Gaari ay saarnaayeen dad ka soo laabtay Aaska dad ku geeriyooday Qaraxii shalay,waxaana ka dhashay weerarkaasi khasaaro isugu jira dhimasho iyo dhaawac.
Ugu yaraan hal ruux ayaa ku geeriyooday halka mid kale uu dhaawac kasoo gaaray weerarkaas.
Laamaha amniga Soomaaliya weli kama hadlin dhacdadaas,mana jirto cid sheegatay mas’uuliyada gaariga lagu rasaaseeyay duleedka Magalada Muqdisho.