Magalada dhuusamareeb ee Xarunta Gobolka Galgaduud waxaa Maanta ka bilaabaneysa diwaangelinta Ergadii dooran laheyd Kursi ka banaan Golaha Shacbaka Soomaaliya.
Shalay ayaa waxaa Dhuusamareeb gaartay Guddoomiyaha Guddiga doorashooyinka Xaliimo Ismaaciil (Xaliimo Yarey) halkaas oo la filayo in Maalinta berito ah ay ka dhacdo doorashada kursiga ka banana golaha Shacabka.
Maanta oo Isniin ah ayaa waxaa Guddiga doorashooyinka ay diiwaangelin doonaan Ergada iyo korjoogtada Doorashada,iyada oo musharixiinta ay haatan xaadir ku yihiin Magalada Dhuusamareeb.
Guddoomiyaha Guddiga doorashooyinka Xaliimo Ismaaciil(Xaliimo Yarey) ayaa ka codsatay Ergada iyo Korjoogtada inay dhowraan habraaca doorashada kursiga ka banaan Golaha Shacabka.
Kuraasta Golaha Shacabka ka banaan ee la filayo in la doorto ayaa waxaa baneeyey Agaasimaha Hay’adda Nabadsugida iyo Sirdoonka Qaranka Xuseen Cismaan Xuseen, Allaha u Naxariisto Khaliif Cabdullaahi iyo Cabduqaadir Maxamuud Gaafoow oo Bishii Ogoosto ee Sanadkaan is casilay.
Magalada dhuusamareeb ayaa waxaa haatan laga dareemayaa qaban qaabada doorashada Kursigaas,iyada oo ay dhinac socdaan olole ay wadaan musharixiinta u taagan ku tartamid kursigaas.
