Maxkamada Ciidamada Qalabka sida ee Soomaaliya ayaa Sabtida Maanta ah waxa ay u fadhiisatay Dhageysiga kiis dil ah oo loo heysto in uu ka dambeeyay Sarkaal ka tirsan Ciidamada Badda Soomaaliya oo lagu Magacaabo Gaashaanle Sare C/naasir Xoosh.
Gaashaanle Sare C/naasir Xoosh ayaa lagu eedeeyay inuu dilay Taliye Ku xigeenkii hore ee ciidanka badda Somaliya Saciid Aadan Yuusuf (Siciid Mariino) oo 18-kii Bishii Janaayo lagu dhex dilay Dakadda Magaalada Muqdisho.
Xarunta Maxkamadda Darajada Koowaad ee ciidamada Qalabka sida ee Soomaaliya ayaa waxaa haatan ka socota dhageysiga dacwadaas,iyada oo ay Gobjoog ka yihiin Saraakiil ka tirsan Ciidamada Badda Soomaaliya.
Maxkamadda Ciidamada qalabka sida Darajada Koowaad ayaa la filayaa in ay Go’aan rasmi ah ka soo saarto kiiskaas,waxa uuna ku soo aadaya xili Maaanta Ciidamada Badda Soomaaliya ay u dabaal degayaan 53-Sano guuradii ka soo wareegtay markii la aas-aasay Ciidanka Badda Soomaaliya.
