Gudoomiyaha Gobolka Banaadir ahna duqa Muqdisho Taabid Cabdi Maxamed ayaa xalay markale loo doortay in uu sii ahaado Gudoomiyaha Gobolka Iyo Duqa Muqdisho.
Doorasho xalay uu ku qabtay Xarunta Aqalka dowladda Hoose ee Visha Governo ayaa waxaa cod Gacan taag ah ku doortay 70 Xubnood oo isugu jiray Gudoomiyaasha degmooyinka G/Banaadir iyo Xubno ka socda Golaha deegaanka Gobolka.
Xilka xalay markale loo doortay Gudoomiye Taabit ayaa waxa uu heyn doonaa mudo laba Sano ah,waxaana arrintaan la sheegay in gudoomiyuhu uu uga gol leeyahay in uu uga hortago in xilka laga qaado maadama ay jirtay hadalheyn arrintaan ku Aadan.
Sidoo kale gudoomiye ku xigeen ayaa waxay u doorteen C/llaahi Ereg oo horay u ahaa ku xigeenka dhanka Arrimaha Bulshada.
Sikastaba arrintaan uu xalay ku dhaqaaqay gudoomiye Taabit ayaa dad badan waxa ay u arkaan mid sii kala fogeyneysa gudoomiyaha iyo Madaxtooyada Soomaaliya oo uu waayadaan khilaaf ka dhaxeeya.
