Xaalada deganaansho ah ayaa sakay laga dareemayaa deegaanada duleedka ka ah degmada Balcad ee Gobolka Shabeellaha Dhexe halkaas oo shalay Gelinkii dambe ay ku wada dagaalameen ciidamada Dowladda Sooamaliya iyo kuwa Shabaab oo weerar ku soo qaaday.
Al-Shabaab ayaa Jimcihii shalay sheegtay in ay la wareegeen Gacan ku heynta deegaanaada Daniga Baaloow iyo Basra ee duleedka Balcad halkaas oo ay horay ugu sugnaayeen Ciidamada Dowladda Soomaaliya oo horay ula wareegay.
Wararka ay Dalsan ay heleyso ayaa waxa ay sheegayaan in Ciidamada ka tirsan Milateriga Soomaaliya ay isaga soo baxeen deegaanadaas isla markaana ay ku sugan yihiin Gudaha degmada Balcad wallow arrintaasi ay beeniyeen taliska xoogga dalka Soomaaliya.
Dadka deegaanka Balcad qaarkood ayaa waxa ay Dalsan u sheegeen in ay arkeen ciidmada dowladda oo ku soo qul qulaya degmada Balcad balse aan haatan soconin wax dagaal ah oo deegaanadaas ka socda.
Taliska Xoogga dalka ayaa iyana dhankooda weli ku adkeysanaya in ay ka Go’an tahay la wareegitaanka deegaanada ay Shabaab kaga sugan yihiin Shabellaha Dhexe.
