Maxamuud Sayid adan Madaxweyne ku xigeenka Maamulka Jubbaland oo Warbaahinta la hadlayay ayaa sheegay in baaritaan lagu sameynayo duqeyn Diyaaradaha Kenya ay ka geesteen deegaanka Tarako ee Gobolka Gedo.
Duqeyntaas ayaa la sheegayaa in ay waxyeelo ka soo gaartay dad rayid ah oo u badan Xoolaley.
“Baaritan ayaan ku sameyneynaa qaabkii ay u dhacday duqeyntaas waxana sidoo kale magdhaw la siin doonaa dadkii eheladooda lagu dilay duqeyntaas aad iyo aad ayaana uga xunahay wixii halkaasi ka dhacay ayuu yiri Madaxweyne ku xigeenka Jubbaland.
Ciidamada Kenya ayaa lagu eedeeyaa in ay marwalka duqeeyaan deegaano Miiyi ah oo ku yaalla Gobolada Gedo iyo Jubbooyinka waxaana hadalkan ka soo baxay Jubbaland uu imaanaya xili ay cabasho farabadan ka timid Shacabka ku nool Gobolka Gedo.
Dhanka kale Ciidamada Kenya ayaa Maalmihii la soo dhaafay waxa ay ka baxeen deegaano iyo degmooyin ka tirsan Gobolka Gedo iyada oo Saraakiisha Kenya aysan weli cadeyn sababta ka dambeysa bixitaankooda.
