Rag Hubeysan ayaa qeybo ka mid ah degmada Hodan ee Gobolkan Banaadir,waxa ay Maanta ku dileen Sarkaal ka tirsanaa Ciidamada Canshuurta qaada ee loo yaqaano Minashiibiyada.
Sarkaalka ayaa la sheegay in Kooxda Dishay ay wateen Gaari islamarkaana xili uu taagnaa agagaarka Sarta Zeybiyaano ay rasaas ku fureen taas oo keentay in isla goobtii uu ku geeriyoodo.
Mid ka mid ah dadka deegaanka ayaa Radio Dalsan u xaqiijiyay dilka Sarkaalkaan,walow ilaa iyo hada la helin magaciisa,waxana la sheegay in ragii dilka geestay ay Goobta ka baxsadeen.
Ciidamo ka tirsan kuwa dowladda Soomaaliya ayaa Goobta gaaray iyaga oo halkaasi ka qaaday Meydka Sarkaalka ka tirsanaa waaxda Cansuuraha dowladda Hoose ee Xamar.
Tan iyo Sanadii 2012,kii Muqdisho waxaa lagu dilay ku dhawaad 100,Askari oo ka tirsan Ciidamada Canshuurta qaada iyo Saraakiishooda.
