Muuqaalo laga baahiyey Telefishinadda ayaa laga arkayey Afduubayaasha oo isku dhiibay Ciiddanka Malta,lana jeebadeeyey.
Afduubayaasha waxay sheegeen inay ka tirsan yihiin Taageerayaasha Hoggaamiyihii dalka Libya ee la dilay,Kolonel Mucamar Al-qadaafi.
Rakaabkii la socday Diyaaradaasi oo tiradoodu dhamayd 109 qof iyo shaqaalihgii Diyaaradda ayaa si nabad ah kaga degay Diyaaradaasi oo laga soo qafaashay Hawada dalka Libya.
Diyaaradda oo nooceedu ahaa A320 oo ku jirtay Duullimaad ay isaga gooshaysay magaalladda Sabxa iyo Tripoli  ayaa lagu khasbay inay u soo jiheysato Jesiiradda Malta oo 500-KM dhanka Waqooyi kaga toosan Xeebaha Libya.
Mid ka mid ah Afduubayaasha ayaa u sheegay Shaqaalaha Diyaaradda inuu wato Bam-gacmeed, kuna khasbay in Diyaaradda laga dejiyo Jesiiradda Malta.
Dhinaca kale, Ra’isul-wasaaraha Malta. Joseph Muskhat waxa uu dhigiisa dalka Libya, Fayes Alsaraj kala hadlay Falkii Afduubka iyo dadaalka Dhexdhexaadinta ee lala lahaa Afduubayaasha.
©Radio Dalsan