Hay’adda Caalamiga ee Muhaajiriinta (IOM) ayaa sahan ku samaysay Deegaanadda ay ku sugan yihiin Dadka ku baracay colaadihii, abaarihii, daadadkii iyo Fatahaadda Webiga Shabeelle oo ku soo faruurmay qeybo ka mid ah Goballadda Shabeellooyinka iyo Hiiraan.
IOM ayaa sheegtay inay Afar boqol oo Kun iyo lixdan iyo labo qof oo Barakacayaal (IDPs) ah ku nool yihiin 7 Degmo oo ka tirsan Goballadda Sh/hoose, J/hoose, Hiiraan, Gedo iyo Awdal.
Tiro-koobka ugu dambeeyey ee Barakacayaasha oo la sameeyey muddadii u dhexeysay bilihii April iyo May ee sannadkan 201ka ayaa lagu muujiyey inay Barakacayaasha la diiwaan geliyey ku kala nool yihiin magaallooyinka Jowhar, Balcad, Beledweyn, Afmadow, Doolow iyo Boorama.
Warbixinta IOM ayaa lagu muujiyey in tiradda ugu badan Barakacayaasha ku sugan yihiin magaalladda Beled-weyne oo ay ku nool yihiin boqol iyo soddon iyo labo kun iyo labo boqol iyo afar qof.
Sidoo kale, magaalladda Borama ee Gobalka Awdal ee W/galbeed Somalia ayaa lagu tilmaamay inay ku nool yihiin Barakacayaasha ugu tirada yahay. Kuwaasi oo tiradoodu dhan tahay Afar iyo toban Kun iyo boqol iyo soddon qof.
Si kastaba ha ahaatee, Mashruuca IOM Somalia ee DTM project waxaa maalgeliya Hay’adda Midowga Euope “EUâ€-da ugu qaabilsan Kaalmooyinka iyo Badbaadinta Rayidka ee The EU Humanitarian Aid and Civil Protection (ECHO) iyo Dowladda Japan.
©Radio Dalsan
