Madaxweynaha Maamulka Puntland Cabdiweli Maxamed Cali Gaas ayaa markii ugu horeysay Maanta ka hadlay Warar soo baxayay oo sheegayay in uu sameyn doono mudo kororsi maadaaama 8-da Bisha January ee Sanada 2019 lagu wado in ay dhacdo doorashada.
Wareysi uu siiyay Idaacadda BBBC-da laanteeda Afka Soomaaliga ayuu sheegay in uusan  awood u lahayn inuu waqtiga kororsado, islamarkaana ay layaab ku noqotay inay arrintaas bulshada dhagaheeda ku badato.
Sidoo kale madaxweyne Gaas waxaa uu ka gaabsaday inuu cadeeyo in doorashada soo socota uu ka mid noqon doono musharixiinta wallow hadda ka hor sheegay inuusan 2019 isisoo sharixi doonin.
Hadalka Madaxweynaha Puntland ayaa ku soo aadaya xili Bilihii la soo dhaafay Bulsahda Puntland iyo Siyaasiyiinta ka soo jeeda ay hadal hayeen in Madaxweyne Gaas uu doonayo in uu sameyn doono mudo kororsi balse arrinkaasi uu beeniyay.
Hoos Ka Dhageyso Codka Madaxweynaha Puntland Cabduweli Gaas.
