Tukan adeegga khudaarta iyo raashinka ku gadaya habka intarneedka oo ku yaal Muqdisho

Maxaad sameyneysaa haddii aadan awoodin inaad raashinka soo gadan karto Mogadishu? Waxaad la xiriiraysaa Bustan Grocery oo ah xarun habka intarneedka waxa ku iibisa (Online).

Aasaasaha ganacsigan, ganacsade da’yar Ali Macaane, wuxuu isticmaalaa baraha bulshada si uu dadka ugu sheego adeegga uu gado.

“Sababtoo ah dadka Soomaaliyeed badankoodu waxay isticmaalaan baraha bulshada, gaar ahaan TikTok, waxaan go’aansaday inaan Bustan Grocery ku xayeysiiyo intarneedka. Ganacsiyada kale intooda badan waxay isticmaalaan hababka xayeysiinta ee dhaqankaas.”

Adeegga waxaa sidoo kale lagu xayeysiiyo Facebook halkaas oo maalin walba la soo dhigo macluumaad ku saabsan alaabta iyo qiimahooda.

Dadka adeeggan isticmaala badankood waa haween shaqeeya, hooyooyin iyo arday.

Muna Ibrahim Mohamed waa hooyo laba carruur ah leh, waa macaamisha joogtada ah ee Bustan.

“Ma haysto qof carruurtayda guriga iigu si illaalin kara,” ayay tidhi. “Hadda waxaan ka dalbanayaa khudradda iintarneedka waxaana si toos ah la igu keenayaa albaata guriga.”

Macaane, wuxuu sheegay in ganacsigu leeyahay caqabado badan, gaar ahaan dhismaha waddooyin xun, jam iyo ammaanka oo aan wanaagsansanayn.

“Dadka way xanaaqaan marka khudradda iyo cuntooyinka la warshadeeyay lagala daaho,” ayuu yiri. “Waxaan sameynaa wax walba oo aan awoodno si aan u fulinno baahida macaamiisheena.”

Sida oo kale, waxay shaqo u abuureysaa  Macaane iyo qoyskiisa, kuwa keenana raashinka ayaa sidoo kale ka faa’iidaysta.

“Waxa ay nagu qaadatay dadaal badan, hadda ganacsigan waan ka dhabaynay,” ayuu yiri. “Waxa aan shaqo u abuuraynaa dhallinyarada wadda bajaajta iyo mootooyinka maadaama ay alaabta noo keeniyaan una geynayaan macaamiisha.”