Wararka ka imaanaya Magaalada Kismaayo ee Xarunta Gobolka Jubbada Hoose ayaa ku warramaya in Caawa la weerayay Guriga Mas’uul ka tirsan maamulkaasi Jubbaland, waxaana kasoo baxaya warar kala duwan oo ku aaddan weerarkaasi.
Wararku waxaa ay sheegayaan in Hoyga uu magaalada Kismaayo ka dagan yahay Wasiirka Wasaaradda deegaanka iyo dalxiiska Jubaland Caydiid Sulaymaan Xaashi lagu tuuray bambo gacmeedyo.
Wali lama soo sheegin khasaaraha ka dhashay weerarkaasi, waxaana dad Goob joogayaal ah ay sheegeen in koox hubeysan ay Bomka tureen, kuwaaasi oo Goobta isaga baxsaday weerarka ka dib.
Dhowr cisho ka hor waxaa degaanada Maamulka Jubblanad lagu weeraray mas’uuliyin kala duwan, kuwwasi oo Bom gacmeedyo lagu tuuray Guryo ay ka deggan yihiin Baardheer iyo Kismaayo, waxana ka dhashay khasaare kala duwan.