Maamulka Puntland ayaa joojiyay lacago Canshuur ah oo laga qaadi jiray  Guryaha ku yaalla Degmada Boosaaso ee xarunta Ganacsiga Maamul Goboleedka Puntland, waxaana la laalay gabi ahaanba lacago ay dowladda Hoose ee Boosaaso ka qaadi jirtay Guryaha dib loo dayactirayo.
Duqa Magaalada Boosaaso  Cabdisalaan Bashiir Cabdisalaan ayaa sheegay in arrintaani ay tahay mid maamulka Boosaaso iyo Golaha degaanku ay isla garteen kadib Cabasho ka timid dadka degaanka, oo ku aaddan in aysan u dulqadan karin lacagaha laga qaadayo, ee Canshuuraha Guryaha Dib loo dayactirayo.
Cabdisalaan Bashiir Cabdisalaan duqa Boosaaso waxaa uu sheegay in si rasmi ah loo joojiyay Gabi ahaanba lacagahaas, waxaana uu intaas ku daray in aan la arki karin cid dib u qaadi karta lacagahaas ay Bulshadu Cabashada ka muujisay.
