Warar dheeraad ah ayaa kasoo baxaya dagaal geystay khasaaro iskugu jira dhimasho iyo dhaawac kaasi oo dhemaray ciidamada Jubbaland iyo dagaalamayaal ka tirsan Alshabaab.
Dagaalkaan ayaa yimid ka gadaal markii xubno ka tirsan Alshabaab ay weerar culus kusoo qaadeen saldhig ciidanka Jubbaland ay ku leeyihiin degmada Ceelwaaq ee gobolka Gedo.
Dadka deegaanka ayaa Idacada dalsan u sheegay in dagaalka oo socday in ka badan hal saac la isku adeegsaday hubka noocyadiisa kala duwan iyada oo aysan jirin ilaa iyo haatan cid sheegi karta khasaaraha rasmiga ee labada dhinac soo kala gaaray
Alshabaab ayaa sheegtay masuuliyadda weerarkaas in ay ka dambeeyaan iyaga oo intaas sii raaciyay in ay dagaal ku qaadeen ciidamada Kenya walow aysan sheegin khasaaro ka dhashay dagaalkaas.