Munaasabad lagu shaacinayey Sharciga dakhliga iyo dhiirrigalinta canshuur bixiyaha ayaa manta lagu qabtay Magaalada Muqdisho, waxaa munaasabadda soo qaban-qaabisay wasaaradda Maaliyadda Soomaaliya.
Munaasabadda ayaa waxaa kasoo qeybgalay Masuuliyiin kala duwan sida xubna kasocday rugta gabacsiga,hoggaanka ilaalinta canshuuraha,agaasimayaasha guud ee wasaaradaha,maamulka gobolka,xubna kasocday maamul-goboleedyada iyo masuuliyiinta wasaaradda Maaliyadda Soomaaliya.
Agaasimaha barriga canshuuraha ee wasaaradda maaliyadda Muxuyadiin Xasan Jurus ayaa sheegay in shirka maanta ay qabatay wasaaradda Maaliyaddu yahay mid muhiim ah.
Ku simaha guddoomiyaha rugta ganacsiga ahna guddoomiye xigeenka rugta ganacsiga Soomaaliyeed Cabdiraxmaan Galaambi ayaa sheegay in ganacsatadu door weyn ka qaateen dib u dhiska iyo hormarka dalka.
Guddoomiye xigeenka dhinaca maamulka iyo maaliyadda gobolka Banaadir Ibraahim Dheere ayaa tilmaamay in muwaadinka bixinaya casnhuurta uu xaq u leeyahay in loogu adeego,wuxuuna u mahadceliyey rugta ganacsiga isagoo sidoo kalena bogaadiyey howlaha hormarka iyo kobcinta dhaqaalaha ah ee wasaaradda Maaliyaddu hormuudka u tahay.
Wasiir ku xigeenka Wasaaradda Maaliyadda Soomaaliya Cabdullaahi Sheekh Cali ( Qaloocoow ) ayaa sheegay in wasaaradda Maaliyaddu ay dhabarka u xiratay kor u qaadista dhaqaalaha dalka oo uu sheegay inay tahay muhiim in qof walba uu ka qeyb qaato.
Wasaaradda Maaliyadda Soomaaliya ayaa waxaa maalmihii dambe ay wadday kulamo iyo wadatashiyo lagu jihaynayo nidaamka canshuuraha dalka.
