Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa Caawa Khudbadka jeediyay Shirka 74-aad ee Golaha guud ee Qaramada Midoobey ee ka socda Magaalada New York.
Madaxweyne Farmaajo ayaa Khudbadiisa uga hadlay arrimo kala duwan oo ay weyn tahay muranka dhinaca xuduudda badda ah ee u dhexeeya Soomaaliya iyo Kenya.
Madaxweyne Farmaajo ayaa diiday wada hadalka ay dooneyso in Kenya lagu dhameeyo muranka badda ee ka dhexeeysa Soomaaliya,waxaana uu xusay inay ku qancaan go’aanka Maxkamadda Maxkamadda ICJ.
Sidoo kale waxaa uu soo hadal qaaday Madaxweynaha wadahadalkee shalay dhexmaray isaga iyo Madaxweynaha Kenya Uhuru Kenyatta,waxaana uu sheegay inay ka wada hadleen in xiriirka labada dal la wanaajiyo, islamarkaana arrinta muranka badda loo daayo maxkamadda ICJ.
Si kastabada Madaxweynaha Kenya Uhuru Kenyatta ayaa sheegay in Kenya ay dadaal xooggan ku bixineyso sidii muranka dhinaca xuduudda badda ah ee kala dhaxeeya Soomaaliya loogu xalin lahaa wada xaajood.
Kenyatta ayaa hadalkan ku sheegay Khudbaddiisii Kulanka Golaha Guud ee loo dhan yahay ee Qaramada Midoobay ee 74-aad, taasi oo shalay jeediyey.
