Dhoolatus Milliteri oo ay ka qeyb galayaan Ciiddanka Cirka iyo kuwa Badda ee Shiinaha ayaa waxa uu ka bilowday Xeebaha K/Bari ee dalkaasi.
Dhoolatuskaasi ayaa la sheegay inuu socon doono dhowr maalmood, taasi oo lagu sheegay inuu carbiska yahay mid ka mid ah qorshe sannadeedka ee milliteriga dalkaasi.
Carbiskan ayaa yimid, kadib, markii ay dowladda Shiinaha ka codsadeen Maraykanka inay ka laabtaan Heshiiska ay hubka uga iibinayaan Jesiiradda Taywaan ee Gooni-goosadka ah.
Jimcihii la soo dhaafay, Dowladda Shiinaha waxay sheegtay inay cunaqabatayn ku soo rogi doonto Shirkadaha Maraykanka ee lagu yeesha hubka laga iibinayo Jesiiradda Taywaan oo ah qeyb ka tirsan dalweynaha Shiinaha.
Hubka ay Maraykanka ka iibinayaan Taywaan waxa uu ku kici doonaa lacag dhan 2 Billion oo Dollar, waxaana hubkaasi ka mid ah Taangiyadda, Gantaalo iyo qalab kale.
Dowladda Shiinaha waxay sheegtay in hubka laga iibinayo Taywaan uu khatar ku yahay Madax-bannaanida iyo Ammaanka Qaranka Shiinaha.