Madaxweynaha Maraykanka waxa uu qalinka ku qaaday Amar fulin, isagoo cunaqabatayn cusub ku soo rogay Hoggaamiyaha Sare ee Iiraan, Aayatullaahi Cali Khamanii iyo Saraakiil kale oo ay ku jiraan 8 Taliyayaal sare oo ka tirsan Ciiddanka Ilaaladda Kacaanka Iiraan.
Xoghayaha Maaliyadda Maraykanka, Istefin Munjin waxa uu sheegay inay cunaqabatayntaasi saamayn doonto Xafiiska Hoggaamiyaha Sare ee Iiraan, lana xiri doono hanta Balaayiin Dollar.
Waxa uu intaasi ku daray in la qorsheynayo in Wasiirka Arrimaha Dibedda Iiraan, Maxamed Javad Zarif lagu daro Liiska Cunaqabataynta xilli dambe oo Isbuucan ah.
Dhinaca kale, Golaha Ammaanka ee QM wxaay xilli dambe oo xalay ah yeesheen Kulan ay kaga hadleen xiisadda u dhexeysa Maraykanka iyo Iiraan, waxayna labada dhinac ugu baaqay inay is-xakameeyan, si loo yareeyo xiisadda colaadeed.
Danjiraha u jooga QM, Majid Takhat Rafanji waxa uu ka digay inay xaalladda Gacanka Pershiya tahy mid aad khatar u ah, wuxuuna ku gacan-sayray inay Maraykanka la bilaabaan Wada-xaajood, isagoo xusay inaan lala xaajoon Karin qof ku cabsi-gelinaya.