Ciidamada ammaanka oo howlgalo lagu xaqiijinayo amniga Caasimadda ka sameeyay degmooyinka Dharkeenley iyo Wadajir ayaa waxaa ay gacanta kusoo dhigeen rag la sheegay inay yihiin Burcad dhac iyo Afduub u geysan jiray dadka deegaanka Dharkeenley.
Taliyaha Saldhiga Booliska degmada Dharkeenley Ismaaciil Muuse Yuusf oo warbaahinta la hadlay ayaa waxaa uu sheegay in laba maalin kahor gudaha degmadaas lagu afduubtay Shaqaale ka shaqaynayay mid kamid ah Shirkadaha bixiya Adeega internetka,isla markaana ay falkaas u geystay laba ruux oo ka kamid ah uu yahay Askari ka tirsan Ciidanka xooga dalka ayna gacanta ku hayaan,sidoo kalena saddex kale oo ka kamid ah raggan la qabtay ay baxsadeen,hayeeshee Ciidanka amniga ay ku daba jiraan.
Sidoo kale waxaa Ciidanka amniga ayaa gacanta ku dhigay gaarigii lagu Afduubtay Ninka Shaqaalaha ahaa iyo Darawalkii waday.
Dhinac kale Guddoomiyaha degmada Dharkeenley ee Gobolka Banaadir Abuukar Axmed Cadow ayaa isna waxaa uu digniin adeg u diray dadka shacabka dhibaatada u geytsa,wuxuuna xusay in arrintaas  maamulka Degmada uusan aqbali doonin.
Shacabka kunool degmada uu Mas’uul ka yahay ayuu kula dardaarmay in aysan ka cabsan dadka dhibaatooyinka ku haaya,isla markaana ay kusoo wargeliyaan laamaha amniga,isagoona balan qaaday in cid ilaalla iyo cid kasta oo dhibaato wada ay wax ka qaban doonaan.
Falkaan ka dhacay Gobolkan Banaadir ee lagu Afduubtay Shaqaale ka shaqaynayay mid kamid ah Shirkadaha bixiya Adeega internetka ayaa ah ku cusub Magaalada Muqdisho oo mudooyinkii dambe uusan ka dhicin.
Hoos ka Dhageyos Codka Taliyaha Booliska degmada Dharkeenley Guddoomiyaha iyo Qofkii la Afduubtay.