Saraakiisha Khibradda Milliteri leh ayaa soo dhaweeyey Isbedelka iyo Isku-shaandheynta lagu sameeyey qaabka hoggaamineed ee Ciiddanka, isla markaana Abaanduulihii Ciiddanka loo wareejiyey Ciiddanka Dhulka ee lafdhabarka u ah qeybaha kale ee Ciiddanka X.D.S.
Laba Xiddigle C/qaadir Maxamed Gacal oo ka tirsan Saraakiisha Ciiddanka X.D.S. waxa uu Aragti ahaan rumeysan yahay inay meesha ka bixi doonto is-qabqabsiga, isla markaana la kala saaray shaqada Hoggaan kasta oo ka tirsan Ciiddanka XDS.
Sarkaalku waxa uu qeexay in Ciiddanka XDS ka kooban yihiin Ciiddanka Dhulka, Ciiddanka Cirka iyo Ciiddanka Badda, isla markaana ay kala leeyihiin Talisyo iyo Hoggaan sahaqadooda la kala saaray, balse ay iskaabaan marka ay jiraan Hawlgalo Mideysan oo cirka, dhulka iyo badda ah.
Mar wax laga weydiiyey Isqabqabsiga Hogaamadda Ciiddamadda waxa uu tilmaamay in Taliye kasta mas’uul ka yahay Hoggaanka Ciiddankiisa, isla markaana ay dhamaantooda hoos tagaan Taliyaha Ciiddanka XDS, Jeneral Indha-qarsho.
Dhinaca kale, Laba Xiddigle C/qaadir Maxamed Gacal waxa wax laga weydiiyey Hoggaanka ay hoos tagaan Ciiddanka Khaaska ee Danab, waxa uu xusya inay Ciiddankaasi qeyb ka yihiin Ciiddanka Dhulka, isla markaana ay Ciiddankaasi weligooda ka tirsanaayeen Ciiddanka Dhulka tan iyo markii la asaasay Ciiddanka XDS, 12-kii April ee sannadkii 1960-kii.
Ugu dambeyntii, Laba Xiddigle Gacal waxa uu rajo wanaagsan ka bixiyey inay Ciiddanka Dhulka ee XDS dardar gelin doonaan Hawlgalka lagula jiro Alshabaab, isla markaana uu Hoggaanka Sare dejinayo Istaraatijiyadda sida tooska ah lagu maamuli doono Ciiddanka Dhulka.
Si kastaba ha ahaatee, DFS waxay maanta sheegtay in Xilkii Abaanduulka Ciiddamadda meesha laga saaray, isla markaana Abaanduulaha, Jeneraal Odaw’aa Yuusuf Raage waxaa loo magacaabay Taliyaha Ciiddanka Dhulka ee XDS.
Hoos ka Dhageyso Wareysi laba Xidiglle Cabdiqaadir Maxamed Gacal oo dhameystiran.