Sawirro:-Uhuru Kenyatta oo la caleemo-saarayo, xilli ay Mucaaradka dhigayaan Dibadbaxyo

Sida uu qorshuhu yahay, Madaxweynaha Kenya iyo Ku-xigeenkiisa ayaa la filayaa in 10-ka barqanimo mar kale loo caleemo saaro Xilalkaasi.

Uhuru Kenyatta waxa uu dalkaasi hoggaamin doonaa shanta sanno ee soo socota, kadib, markii uu ku guuleystay Doorashadii Ku-celiska ee Madaxtinimo ee bishoo October 26-dii ka dhacday dalkaasi.

Taageerayaasha Kenyatta oo 98% ku guuleystay Doorashadaasi waxay ugu baaqeen Hoggaamiyaha Isbahaysiga Mucaaradka ee NASA, Raila Odinga in la sii wado Wada-hadalka si horey loogu dhaqaaqo.

Madaxaweynaha Kenya waxa uu isagana sheegay inay Mas’uuliyadeena tahay kadib Tartankii Siyaasadeed  in si wadajir la isugu yimaado iyo in laga wada shaqeeyo Dhismaha Qaranka.

Balse, Taageerayaasha Raila Odinga waxay sheegeen inaysn marnaba cafin doonin Xisbiga Talada haya oo ay ku eedeeyeen inay xadeen Cod-bixintii, ku kaceen Musuq iyo inay Ciiddanka Ammaanka u adeegsadeen in la caburiyo Cod-bixiyayaasha Taageerayaasha Raila Odinga ee deggan Galbeedka dalkaasi.

Qoraal ka soo baxay Isbahaysiga Raila Odinga ee NASA  ayaa lagu sheegay inaysan marnab oggolaan doonin wixii dhacay, isla markaana aysan Kala-qeybinta labada dhinac noqon doonin Buunadada Wada-hadalka iyo Xeer Jajabka.

Taageerayaasha Mucaaradka ayaa la filayaa inay maanta Dibadbax iyo Kulan Baroordiiq ah ka dhigaan waddooyinka magaalladda  Nairobi, inkastoo aysan Fasax u haysanin Dibadbaxyadaasi.

Taageerayaal ka tirsan Isbahaysiga NASA waxaa horey loogu dilay muddadii ay socdeen Dibadbaxyada looga soo horjeeday Natiijaddii Doorashadda..

In ka badan 70 qof oo u badnaa Bolis ayaa lagu dilay Colaadaha Siyaasadeed ee Xilligii Doorashadda.