Guddoomiyihii Gobolka Banaadir ahaana Duqii Muqdisho Taabid Cabdi Maxamed ayaa si kulul u Cambaareeyay weerarkii xalay Al-shabaab ay ku qaadeen Hotelka SYL ee ku yaalla kasoo horjeeda Xarunta Madaxtooyada.
Taabid Cabdi ayaa waxaa tacsi u diray Ehelada dadkii ku geeriyooday weerarkii Hotelka, isagoo ku dhaawacmay Alle uga baryay inuu Caafimaad siiyo.
Ciidanka amniga ayuu bogaadiyay oo xalay inta uu socday howlgalka hotelka SYL kasoo badbaadiyay boqolaal qof oo ku jiray halkaas.
“Waxaan cambaareynayaa weerarada Al-shabaab ay kusoo qaadayan goobta muhiim ah ee ku yaalla Caasimadda, ujeedkooda ugu weyna uu yahay “ha noolaan hana horumarin†sidaa darteed waxaa waajib nagu wada ah in aan iska wada kaashano sidii meel looga soo wada jeesan lahaa†Ayuu yiri Guddoomiyihii hore ee Gobolka Banaadir
Sidoo kale waxaa uu hadalkiisa sii raaciyay “Amniga aan u wada istaagno, madaama uu maanta yahay baahideena koowaadâ€.
Si kastaba Al-shabaab ayaa sheegtay Mas’uuliyada weerarkii lagu qaaday hotelka SYL, waxaana ku geeriyooday 10 ruux, halka 11 qof kalena dhaawac uu soo gaaray.
