Wasaaradda Caafimaadka ee Marinka Qasa ayaa sheegtay inay Diyaaradaha Dagaalka Yuhuudda duqeyn ba’an ka geysteen qeybo ka tirsan magaalladda Qasa, iyadoo mid ka mid ah weeraradaasi lagu dilay Hooyo Xaamilo ah oo la oran jirey Falastiini Abu Arar oo 37-jir ahayd iyo cunageeda ooh al sanno ahaa.
Duqeynta lagu dilay Hooyadaasi iyo ilmaheeda ayaa waxa uu ka dhcaay Deegaanka Zeytuun ee Bariga magaalladda Qasa, iyadoo duqeyn kalena lagu dilay Marxum la oran jirey Cimaad Naasir oo 22-jir ah, iyadoo 19-kalena lagu dhawaacay.
Dagaalamayaasha XAMAAS iyo Jihaad Islaami waxay iyagana ilaa 200 Gantaal ku duqeeyeen magaallooyin iyo Tuullooyin ku yaalla Koonfurta Yuhuudda
Diyaaradaha Dagaalka Yuhuudda waxaa la sheegay inay duqeeyeen 70 bar-tilmaameed oo ku yaalla Marinka Qasa.
Dhinaca kale, Wasaaradda Arrimaha Dibedda ee Maamulka Falastiin waxay ugu baaqeen Golaha Ammaanka ee QM inay si wadajir ugu baaqaan Yuhuudda inay joojiyaan duqeymaha ay ku hayaan Marinka Qasa.
Dowladaha xubnaha ka ah Ururka Midowga Europe waxay ku baaqeen in la joojiyo dagaalka, iyadoo QM ku baaqday deganaansho.
