Taliska Ciidanka Booliska Soomaaliyeed Waaxda dambi-baarista ayaa Maanta waxa ay shaaciyeen in Saraakiil iyo ciidamo ka tirsan booliska Soomaaliyeed ay u xiran yihiin musuq maasuq ay ku kaceen.
Saraakiil iyo Ciidamo gaaraya 28 xubnood oo ka tirsan Ciidanka Booliska ayaa u xiran eeda ah Musuq,sida uu sheegay taliye ku xigeenka Hay’adda Dambi Baarista ee CID-da Bishaar Abshir Geedi.
Waxa uu sheegay in weli uu socdo ololaha looga hortagayo falalka la xiriira musuq maasuqa,isla markaana 28 isugu jira Saraakiil iyo ciidamo ka tirsan Booliska Soomaaliyeed ay ku jiraan Xabsiga dhexe baaritaana uu ku socdo.
Dhinaca kale taliye ku xigeenka Hay’adda Dambi Baarista ee CID-da Bishaar Abshir Geedi ayaa ugu digay Shacabka Soomaaliyeed in sraakiisha iyo Ciiadmada inay u horseedaan qaadashada laaluushka,laakin loo baahan yahay in ciidamadu ay dadka Shacabka ah ugu Shaqeeyaan si bilaash ah.
Dowladda Soomaaliya ayaa maalmahaan waxa ay waday qorsho looga hortagayo musuq maasuq ay sameeyeen madaxda dowladda,waxaana haatan xiran,saraakiil iyo mas’uuliyiin kale oo ka tirsan Hay’adaha kale ee Dowladda.
Hoos Ka Dhageyso Codka taliye ku xigeenka Hay’adda Dambi Baarista ee CID-da Bishaar Abshir Geedi.