Wargeyska Mail Online ee ka soo baxa dalka Britain ayaa maanta qoray in Haweeneyda Britishka ee Samantha Lewthwaite “Carmalada Cad†kana tirsan Hoggaanka Sare ee Alshabaab ay haatan madax u tahay 200 dagaalyahanno haween oo ay raggooda geeriyoodeen, kuwaasi oo loo tababaray inay xogag ka keenaan Xarumaha DF iyo  inay geystaan falalka Is-qarxinta, waa sida lagu qoray Wargeyskaasi.
Wargeyska waxa uu tilmaamay inay Samantha Lewthwaite hawlgelisay ilaa 200 haween carmalo ah, kuwaasi oo shaqaale ahaan uga hawlgala Baararka, Hoteelladda, Jeeblayaasha iyo  Biibitooyinka.
ka akhriso Halkan Wargesyka Daily Mail
Sarkaal ka tirsan Hay’adda Sirdoonka Soomaaliyeed oo lagu magacaabo Mohamed Hassan ayaa u sheegay Wargeyska Mail Online in Samantha Lewthwaite xogaha ay u soo gudbiyaan Haweenka ay hawlgelisay u sii gudbiso Madaxa Sirdoonka Alshabaab, Mahad Karate iyo Hoggaamiyaha Alshabaab, Ahmed Omar Cubaydah, waa sida uu Sarkaalkaasi yiri.
Waxa kaloo uu Sarkaalkaasi u sheegay Wargeyska inay Carmaladda Cad tahay xubin firfircoon oo ka tirsan Alshabaab, iyadoo haatan ka hawlgasha Waaxda Amniyaadka
Dhinaca kale, Carmalada Cad ayaa la sheegay inay horey u tababartay Haweeneydii qaraxa ka geysatay Hoteelka Central.
Haweeneydaasi oo la oran jirey Luul Ahmed waxay bishii Feberaayo 20-dii ee sannadkan isku qarxisay Hotelka The Central, waxaana ku geeriyootay 28 qof, oo ay ku jireen Xildhibaan iyo Ku-xigeenkii Guddoiomiyaha Gobalka Banaadir ee dhinaca Siyaasadda.
Xigasho: Mail Online